Wugronjenje

Zuk [f] wugranja se ako w nimšćinje, na pś. w słowje fahren. [f] njesłuša k indigenemu (zderbnjonemu) inwentaroju zukow dolnoserbšćiny a wustupujo jano we wupóžycenjach.

Pśiznamjenja

• njespiwny
• labiodentalny
• frikatiwny
• twardy

Wótpowědujuce pismiki

Zuk [f] wótpowědujo:

• pismikoju ‹f›
  • pśed ‹a›, ‹e›, ‹o›, ‹u›, ‹y› (pśir. wokale)
  • pśed ‹l›, ‹m›, ‹n›, ‹r›, ‹w› (pśed sonorantami z wuwześim pozicije pśed ‹j›)
  • pśed ‹c›, ‹k›, ‹s›, ‹ś›, ‹t› (a potencielnje pśed drugimi njespiwnymi obstruentami)
  • we wuzuku
  • (ako jadna z wariantow) pśed ‹j›‹a›, ‹j›‹o›
• pismikoju ‹v›
  • we wuzuku, na pś. pśed nimem ‹e›

Pśikłady

• fotograf
• efekt
• fryjaŕ
• geografka
• live

Pokazki

Pśir. zuka [v], [fʲ].

Bok Wikipedije wó zuku (nimski)