Dolnoserbske wugronjenje

Pismik ‹o›

Pismik ‹o› se wugranja ako [ɔ]

‹h› a ‹w› we (fonetiskem) zazuku bazowego morfema (z wuwześim pozicije pśed ‹w›, ‹ł›)

Pśikłady: hobli, Hochozaŕ, woknyško, wobrazk

Glědaj teke: ‹h›, ‹w›.

w prefiksu wo- (z nimym ‹w›), teke pśed ‹w›, ‹ł›

Pśikłady: wołupaś, wowalenje, woglědaś, wopśimaś

Glědaj teke: ‹w›.

w mjazyzuku (z wuwześim pozicije pśed ‹w›, ‹ł›, kótarejž njejstej nimej, a w drugej złožce někotarych bazowych morfemow)

Pśikłady: bobr, groź, pšoso, dowuknuś

we wuzuku

Pśikłady: ako, mimo, mloko, to

Pismik ‹o› se wugranja ako [o]

‹h› we (fonetiskem) zazuku pśed ‹w›, ‹ł›

Pśikłady: how, howacej, hołtaŕ

Glědaj teke: ‹h›.

‹w› we (fonetiskem) zazuku pśed ‹w› (z wuwześim prefiksa wo- )

Pśikłady: wows, wowsnišćo

Glědaj teke: ‹w›.

w mjazyzuku pśed ‹w›, ‹ł›, kótarejž njejstej nimej

Pśikłady: cołnaŕ, cowaś, nakupowaś, połdnjowy, wołaś, wołoj

Pismik ‹o› se wugranja ako [ɛ]

w drugej złožce někotarych bazowych morfemow, gaž stoj južo w prědnej złožce ‹o›, casy teke ‹a›

Pśikłady: pomocnik, sobota, chomot, schamornjeś