Rozeznawanje twardy : měki

Typiske za dolnoserbsku rěc jo teke rozeznawanje mjazy twardym a měkim wugronjenim konsonantow. Ta opozicija wustupujo pśi slědujucych zukach:

[b] a [bʲ]
- byśe : biśe
- lube (nom. pl. wót luby) : lubje (adw.)
- ból : běl (imp. 2. wós. sg. wót běliś)
- byli (ł-forma mask. 3. wós. pl. wót byś) : běli (prez. 3. wós. sg. wót běliś)
[m] a [mʲ]
- łakome (nom. pl. wót łakomy) : łakomje (adw.)
- my : mě
- móstow (gen. pl. wót móst) : městow (gen. pl. wót město)
- mykotaś : mikotaś
[n] a [ɲ]
- grozne (nom. pl. wót grozny) : groznje (adw.)
- kubłanym (instr. masc. sg. wót kubłany) : kubłanim (instr. sg. wót kubłanje)
- knyža : kněža
[p] a [pʲ]
- tupe (nom. pl. wót tupy) : tupje (prez. 3. wós. pl. wót tupiś)
- kupy (nom. pl. wót kupa) : kupi (nom. du./pl. wót kup)
- pysk : pěsk
- póšk : pěšk
[r] a [rʲ]
- mudre (nom. pl. wót mudry) : mudrje (adw.)
- šerym (instr. mask. sg. šery) : šerim (prez. 1. wós. sg. wót šeriś)
- ryś : riś
- gryznuś : grěznuś
[w] a [wʲ]
- cuśiwe (nom. pl. wót cuśiwy) : cuśiwje (adw.)
- strowy : strowi (prez. 3. wós. sg. wót strowiś)
- dowóra (pret. 3. wós. sg. wót dowóraś) : dowěra
- wy : wě (prez. 3. wós. sg. wót wěźeś)
[ʂ] a [ɕ]
- myš : myś
- wuš : wuś
[ʐ] a [ʑ]
- bužyś : buźiś
- žywnosć : źiwnosć
- žeń (imp. 2. wós. sg. wót gnaś) : źeń
- žerjo (prez. 3. wós. sg. wót žraś) : źerjo (prez. 3. wós. sg. wót drěś)