Rozeznawanje spiwny : njespiwny

Rozdźěl mjazy spiwnym a njespiwnym wugronjenim obstruentow ma w dolnoserbskej rěcy wětšy wóznam a jo wažnjejšy nježlic w nimšćinje. Mamy k tomu ceły rěd minimalnych pórikow, to groni słow, kenž se jano pó spiwnosći resp. njespiwnosći jadnogo konsonanta rozeznawaju. Slěduju někotare minimalne póriki za pótrjefjone zuki:

• [b] a [p]
  • baba : papa
  • błomje : płomje
  • buk : puk
• [bʲ] a [pʲ]
  • biśe : piśe
  • zaběraś : zapěraś
  • robiś : ropiś
• [d] a [t]
  • do : to
  • drěś : trěś
  • ruda : ruta
• [g] a [k]
  • gósć : kósć
  • głos : kłos
  • tšuga : tšuka
• [z] a [s]
  • zuk : suk
  • zlě : slě
  • kóza : kósa
• [ʐ] a [ʂ]
  • žariś : šariś
  • župa : šupa
  • wužywanje : wušywanje
• [ʑ] a [ɕ]
  • źěło : śěło
  • źiba : śiba
  • źi (imp. 2. wós. sg. wót hyś) : śi (gen. sg. wót ty)

Gl. teke: Asimilacija (pśipódobnjenje zukow).