Wugronjenje

Zuk [ɨ] wugranja se pódobnje ako krotke i w nimskich słowach ako mit, bis, jo pak tšochu śamnjejše.

Na zachopjeńku słowa (teke pó nimym ‹h›) njewugranja se normalnje žedno zaknyknjenje (gl. bok nimskorěcneje Wikipedije wó zuku).

Glědaś dej se na to, až [ɨ] se wugranja stawnje mimo wukulowaśenja gubowu. Wóno se pótakem njewugranja ako krotke ü ([ʏ], gl. bok nimskorěcneje Wikipedije wó zuku) w nimskich słowach ako Würde, geküsst, müssen.

Pśiznamjenja

• zawrěty
• centralny
• njewukulowaśony
• spiwny

Wótpowědujuce pismiki

Zuk [ɨ] wótpowědujo:

• pismikoju ‹ó›
  • (ako jadna z wariantow) w kuždej poziciji (z wuwześim pozicije pśed ‹j›)
• pismikoju ‹y›
  • w kuždej poziciji

Pśikłady

• pó
• móc
• hynacej
• dłym
• wy

Pokazki

Pśir. zuki [i], [ɪ], [ʊ], [u].

Bok Wikipedije wó zuku (nimski)