Wugronjenje

Zuk [xʲ] rozeznawa se wót [x] jano z tym, až wugranja se měki. Kśebjat jězyka pśibližyjo se pśi tom twardemu njebju (palatumoju, gl. Tabela zapśimjeśow).

Jo móžno se ten pógib jězyka wuwědobniś z tym, až pśechada se wóspjet pomałem a mimo pśetergnjenja wót wokala [a] na [i] a zasej slědk. Pśi tom njedejali cele wědobnje poziciju gubowu změniś, ale se jano koncentrěrowaś na pógib jězyka.

Gaž jo rozdźělne połoženje jězyka se wuwědobniło, móžomy rozdźěl mjazy [x] a [xʲ] zwucowaś: Wótchylne twarde: nicht a měke: nicht wugronjenje słowa nicht nastanjo jano pśez to, až kśebjat jězyka se twardemu njebju (palatumoju) dalej pśibližyjo.

Pśiznamjenja

• njespiwny
• welarny
• frikatiwny
• měki

Wótpowědujuce pismiki

Zuk [xʲ] wótpowědujo:

• wězbje pismikowu ‹ch›
  • (ako jadna z wariantow) pó ‹ě›, ‹i› (pśir. wokale)

Pśikłady

• spěchowaś
• grichišćina
• glicholan

Pokazki

Pśir. zuk [x].