Pismik ‹ž›
Pismik ‹ž› se wugranja ako [ʐ]
pśed ‹a›, ‹e›, ‹o›, ‹u›, ‹y› (pśir. wokale)
Pśikłady: žadno, głažany, žeńska, nižej, žołdk, rožojty, žurny, kóžuch, žywy, cyžyk
Pokazka: Kombinacija ‹ž›‹i› resp. ‹ž›‹ě› wustupujo jano we wupóžycenjach.
pśed ‹j›, ‹l›, ‹ł›, ‹m›, ‹n›, ‹r›, ‹w› (pśir. sonoranty)
pśed ‹b›, ‹d›, ‹g› a potencielnje pśed ‹z›, ‹ž›, ‹ź› (pśir. spiwne obstruenty) (z wuwześim pozicije pśed ‹dź›)
Pismik ‹ž› se wugranja ako [ʑ]
pśed ‹dź›
Glědaj teke: Asimilacija.
Pismik ‹ž› se wugranja ako [ɕ]
pśed ‹ć›
Pśikłady: połožćo
Glědaj teke: Asimilacija.
Pismik ‹ž› se wugranja ako [ʂ]
pśed ‹c›, ‹k›, ‹p›, ‹s›, ‹t› (a potencielnje pśed drugimi njespiwnymi obstruentami) (z wuwześim pozicije pśed ‹ć›, ‹č›)
Pśikłady: drožcycka, smužka, pódrožstwo, wažtej
Glědaj teke: Asimilacija.
we wuzuku
Pśikłady: až, jež, mórž, wótkulž
Glědaj teke: Zgubjenje spiwnosći we wuzuku.
Pismik ‹ž› se wugranja ako [ʃ]
pśed ‹č›
Pśikłady: śěžčej
Glědaj teke: Asimilacija.
Pśi wugronjenju pśedzłožki nejž- dajo mócnu tendencu, ‹ž› generelnje njespiwne wugranjaś. Wóno wugranja se pótom za tym, kaki zuk slědujo, ako [ʂ] resp. [ʃ] (nejžtuńšy), abo (pśed měkimi konsonantami) ako [ɕ] (nejžpjerwjej). Pśed spiwnymi konsonantami jo spiwne wugronjenje ako [ʐ] weto regularne (nejžgórjej).